غناوي علي العين

انت يا عين عليك اللوم ...........بعد غاليك جاك النوم
الخاطر والعين ايريدنك.............. لكن وحلن كيف يجنك
عليهم ننشد ليل نهار ............. اللى ديما فى العين اكبار
حتى والخلايق واجدة العين العين مالها ودايد كيفكم
وسلالالالالالالالالالالالالالالالالالالالالالالالالالالام

السلام عليكم ورحمة الله وبركاته
اخى الزاهى
قليل هم فى المنتدى من علق على غناوى العلم
(على العين)
ولكن اطرح لنا موضوعا اخر لعلى من يشاركنا بها
مشكور وما قصرت

جمیل انا حالیا امر علیکم مرور الکرام فشکر لکم علی هذا الابداع

ههههه مرور الكرام......... حلوة هذي ....سبلة وسبيلة هههههههه

شكرا علي هذا الموضوع الحلو
انا ماافهم في هذه الاشياء ولكن من الواضح كونها رائعة
شكرا علي هذه الجهود

يامجمل الغناوي
بوركتم علي هذه الكلمات الجميلة
ابدعتم فابدعنا معكم
شكرا لكم

السلام عليكم .....
اخي الجريح.... هذه المجموعة علي القديم ....

معاكم فضت يالقدم ...اللي تطرطش ماتلتم

ايبات كل شي عالقسم.....وانباتو مجاريح كلنا

احملت ياعزيز خطاك ......اوما انريدها امهاياتك علي

حظي عطيب في لاقسام ...لي ماجرن فيك ياغني


عمرك ريت بعدها بدعه.....تضحك من تسطير اللذعه

ماساعة ماعد رجيتا .....وين قديم سقد ريتا

ماكيف القديم قديم من بخت ....حتي الجديد قالها

كان قديم ايريد العودة ....قولوا مرحب بالجودة

واجد ياقديم علينا ...قسمك لط وتشغل فينا

كونك راكني راكني ...غير عليك قتلني حني

العين بعدكم يالولاف ..اتعارك واتضايق واتخاف

اسمعنه يالقديم خذوك ..خبر يفجع لكن مبروك